💞#ගුරු__පෙම💞 | Guru Pema

💞#ගුරු__පෙම💞

            

"කවුද බං අර කොල්ලා"

"ඉස්කෝලෙට අලුතෙන් ආපු සර් කෙනෙක්ලු බං"

"නෑ... සිරාමද බං බලහංකො ඌ හැන්ඩියා වගේනෙ"

"මමත් හරියට දන්නේ නෑ වරෙන්කො මැත්ස් ටීචර් ඇවිත් නැති එකේ යමන් ලයිබ්‍රි එක පැත්තට"

මම මිලිනවත් ඇදගෙන පුස්තකාලෙ පැත්තට ගියෙ ඕප දුපයක් හොයන්න....

"අර අලුත් සර් මොනවටද සර්"

"ආර්ට් වලට"

"ආ සර්....ඒක නෙමෙයි දවසක් කිව්වා නේද පොත් රාක්ක හදන්න ඕන කියලා"

"කිව්වනම් තමයි....දැං ඔය ළමයින්ට වැඩක් නැද්ද"

"නෑ සර්....අපිට දැං මැත්ස් ටීචර් ඇවිත් නෑ"

"එහෙනම් තව ළමයි දෙන්නෙක් ගෙන්නගෙන ඔය ටික අස් කරලා දාන්න"

"හරි සර්"

ඉබ්බා දියේ දැම්මම ඇන්නෑවේ කිව්වලූ😋 මමත් දුවගෙන ගිහින් ශානිකාවයි නිරෝෂවයි ඇදගෙන ආවේ පුස්තකාලෙ අස් කරන්න නෙවෙයි 😋 හැන්ඩි සර් තව පැය දෙකක් විතර ප්‍රින්සිපල් එනකම් ලයිබ්‍රි එකේ ඉන්නවා කියලා දන්න නිසයි

"සර් පොඩ්ඩක් අර පුටුවට යනවද"

"ඔහ් සොරි"

"නෑ සර් දුවිලි ගොඩයි ඒකයි"

මම හෙමීට සර් කාරයට කියනකොට සර් ඉක්මනට වෙන තැනකට ගියා...

"බලපංකො ලස්සන"

"වොයිස් එකත් එහෙමනෙ බං"

"මට නම් දැං  ආර්ට් කරන්න හිතෙනවා බං"

"මහීමා...."

"ඕ...මහීමා තමයි ළමයි.... මොකද

"මොකද අහන්නෙ උබට පිස්සුද ආ"

"සිරාවටම බං සර් කෙනෙක් උනාට හිත ගියානෙ 

"යකෝ මේ ස්කූල් එකේ කොල්ලො කීයක් උබට ට්‍රයිද ඒ එකෙක් ගැන හිතපං ඕනමනම්"

"හිත ගිය තැන මාළිගාව බං අහලා නැද්ද"

"අහලා තිබුණට දැකලා නෑනේ බං"

"දකියි දකියි ඔහොම හිටපල්ලකො"

"දැං අස් කරන්න කියලා නේද ආවෙ කෝ අස් කරලා ඉවරද ළමයි"

"ඔව් සර්....අපි යන්නද"

"හරි ළමයි...තෑන්ක්ස්"

"ඒ උබලා දන්නවද අලුත් සර් කාරයගෙ නම"

"කොහොම දැනගන්නද බං "

"නිර්වාන් බං"

"කොහොමද බං උබ දන්නෙ"

"ඒකනෙ කෙල්ලෙ කියන්නේ මම හොයාගත්තනෙ කොහොම හරි"

"උබත් මාරයි බං"

"එහෙම තමයි කෙල්ලගෙ වැඩ"

මම ඇහැක් ගහලා හයියෙන් හිනාවෙලා කියනකොටම අකුණු ගැහුවා වගේ විමේෂා ටීචර් මහ හයියෙන් ලමයි කියලා කෑ ගහනකොට කෙල්ලො කොල්ලො ටික බබාලා වගේ ගිහින් පුටුවල වාඩි උනා

"මහීමා..අන්න ප්‍රින්සිපල් සර් එන්න කිව්වා"

"හා ටීචර්"

ඒ පාර මොන මරාලයක්ද දන්නෙ නෑ කියලා හිත හිත මම ඔෆිස් එකට ගියෙ හිතේ හිටපු නිර්වාන් සර්ව පොඩ්ඩක් බිමින් තියලා

💞💞💞💞💞💞💞💞💞💞💞💞💞💞💞💞

මම ඔෆිස් එකට යනකොට ප්‍රින්සිපල් සර් ඉස්සරහා හිටපු අම්මව දැකලා මම පුදුම උනා....කවදාවත් නැති විදියට අම්මගෙ මුණ ඉදිමිලා,ඇස් රතු වෙලා

"අම්මෙ...."

"ආහ්....මහීමා...අම්මා ඇවිත් තියෙන්නෙ ඔයාව එක්කගෙන යන්න"

"ඒ මොකද සර්"

"පුතේ...."

"නෑ නෑ...ඔය දරුවගෙ තාත්තට ටිකක් සනීප මදිලු"

"අම්මෙ...."

"දැං ඔය ලමයා පංතිභාර මිස්ට කියලා යන්න"

මම අම්මව එතනම තියලා මිස්ටත් කියලා යාලුවන්ටත් කියලා අම්මත් එක්ක ගෙදර ගියා....වටින් පිටින් ගෙදරට ඇදෙන සෙනග....නොකිව්වත් නපුරක් වෙලා කියලා මගෙ හිතට දැණුනා

"අම්මෙ ඇයි මේ අපේ ගෙදර සෙනග"

අම්මා මාව බදාගෙන අඩන්න ගත්තා එක පාරම

"අම්මෙ ඇයි කියන්නකො කෝ තාත්තා"

"අපිව දාලා ගියා...."

"අම්මෙ විහිළු කරන්න එපා"

උදේ ඉස්කෝලෙ යනකොට කකුල් දෙක අල්ලලා වැදලා යනකොට පරිස්සමින් ගිහින් එන්න මගෙ සුදු දූ කියපු තාත්තා හවස් වෙනකොට පෙට්ටියකින් එයි කියලා මම කීයටවත් හිතූවෙ නෑ....මගේ අහිංසක තාත්තා අම්මගෙ වැරැද්දකට සිවිලිම් ෆෑන් එකේම එල්ලිලා මාව මේ ලෝකෙ තනි කරලා යන්න ගිහින්....

"මාවත් අරගෙන යන්න මගෙ තාත්තෙ....මට දැං කවුරුත් නෑ මේ ගෙදර"

යාලුවො...ගුරුවරු ඒ අතර නිර්වාන් සර් හිටියත් කවුරුත් ගැන කිසිම ගානක් මට තිබුනෙ නෑ

මම සිහියත් අසිහියත් අතර කියවනකොට අවසන් කටයුතු වලට තාත්තව අරගෙන ගියා....

💞💞💞💞💞💞💞💞💞💞💞💞💞💞💞💞

අවුරුදු මාස ගානක් ගත වෙලත් දවසින් දවස හිත හැදෙනවා වෙනුවට හිත කෑලි කෑලි වලට කැඩිලා ගියෙ අම්මගෙ පෙම්වතා සුරංග මේ ගෙදරට යන්න එන්න ගත්තට පස්සෙ....දගකාර ලස්සන චරිතයක් උන මම කාමරේටම සීමා උනා....

මහීමා මොකද උබට වෙලා තියෙන්නෙ අර සුරංග ආවම උබගෙ ගණන් දාන්නෙ මොකද එයාට"

"මගේ තාත්තව මරාගත්තා වෙනුවට තවත් එන්න එපා මට කියවන්න 😡 ඒ යකා එක්ක තමූන් ඕන මගුලක් නටාගන්න එකයි මට ඕන නෑ තවත් මේ විකාර බලන්න"

"උබට බැරිනම් පලයං උබ ඉරිසියයි මම සතුටින් ඉන්නවට"

පුළුවන් විදියට විභාගෙ ලියපු මම කල්පනා කලේ මොනවා කරන්නද කියලා අම්මගෙ යවුල් පාරවල් වගේ වචන මගේ යකා ආවේශ උනත් මම නිහඩවම තිබුණ තිබුණ හැමදේම දාගෙන ගෙයින් එලියට බැස්සෙ ආයෙ කවදාවත් මේ ගෙදර පස් පාගන්නෙ නෑ කියලා හිතාගෙන....

❤️❤️❤️❤️❤️❤️❤️❤️❤️❤️❤️❤️❤️❤️❤️

බණ්ඩාරවෙල ටවුන් එකෙන් බැහැපු මම එඩ්‍රස් එක ටැක්සි කාරයෙක්ට දීලා මාමලාගෙ මිදුලෙන්ම බැස්සා

"අම්මෝ චුටි නෝනා දැං හෙන ලමිස්සියක් වෙලා නෙව"

පොඩි කාලෙ ඉදන්ම මට ගොඩක් ආදරේ උන මැණිකෙ අම්මා දුවගෙන ඇවිත් මාව බදාගත්තා

"කොහොමද මැණිකෙ අම්මා"

" වරදක් නෑ චුටි නෝනා ඉතිං"

"කෝ නැන්දයි මාමයි මැණිකෙ අම්මා"

"ඉන්නවා ඉන්නවා යමුකො ඇතුලට "

"බුදු සන්තෝ මේ අපේ චුටිනෙ"

මම ගිහින් නැන්දගෙයි මාමගෙයි කකුල් අල්ලලා වදිනකොට අවුරුදු තුනක් හිර කරගෙන හිටපු කදුළු පිටාර ගියා...

"අඩන්න එපා චුටි හැමදේම වෙන්නෙ වෙලාව අනූව චුටිට ඕන දේකට අපි ඉන්නවා"

"ඔව් දූ අයියා නෑ කියලා අපි දූව අමතක කරන්නෙ නෑ අපි හැමදේම හොයලා බැලුවා....ඒත් හිතුවෙ දූ එහෙ ඉන්න කැමති ඇති කියලා"

රිදිලා තිබුණු හිත හැදුනෙ නැන්දගෙයි මාමගෙයි ආදරේ නිසා....කොහොම හරි විභාගෙ ලියලා හොද ප්‍රතිඵල අරගෙන මේ විදියට ගෙදරට වෙලා ඉන්න තුන් හිතකවත් තිබුණෙ නෑ....ඒත් තවත් ඉගෙනගන්න තරම් හිතට හයියක් තිබුනෙ නෑ...

"චූටි නෝනා මොකද කරන්නෙ මෙතන"

"මුකුත් නෑ මැණිකෙ අම්මා මේ පැත්තෙ ලස්සන බැලුවා"

"තවම ඉස්සර වගේමයි චූටි නෝනත්"

"මැණිකෙ අම්මා ගෙදර ගියෙ නැද්ද ලගදි"

"හැම සතියෙම යනවා චූටි නෝනෙ මම "

මැණිකෙ අම්මා කියනකොට ඒ ඇස් කදුලු පිරිලා දිලිසෙන්න ගත්තා....

"ඇයි මැණිකෙ අම්මා"

"චූටි නෝනට මතකද මගෙ චූටි කොලුවා පබසර"

"දැකලනම් නෑ ඒත් මතකයි ඉස්සර මැණිකෙ අම්මා කියනවනෙ"

"කොල්ලා බැදලා ඒ දුවට බබා හම්බෙනකොට කෙල්ල නැති උනා චූටි නෝනෙ😥 එදා ඉදලම දරුවව හදාගන්න මමයි කොලුවයි නොවිදිනා දුක් වින්දා චූටි නෝනා "

"එතකොට කොයි දැං පබසර"

"ඉස්කෝලෙක උගන්නනවා චූටි නෝනෙ"

"එතකොට බබා බලාගන්නෙ කවුද"

"අපේ පොඩි කෙල්ල තමයි අම්මා වගේම බලාගන්නෙ නෝනෙ ඒ හින්දම කොල්ලයි මමයි වැඩ කරන්නෙ හිතේ බයක් නැතුව"

ඒ කතාවෙන් පස්සෙ මට පබසර ගැන නොදැකම අනුකම්පා හිතුනා....

"එතකොට පබසරත් එනවද සති අග"

"ඔව් නෝනෙ"

"මට ආසයි මැණිකෙ අම්මගෙ මුණුපුරා බලන්න"

"නෝනා යමු දවසක මාත් එක්කම"

"නෑ අපි මෙහෙම කරමූ....මේ සතියෙ මැණිකෙ අම්මා යන්න එපා එයාලට එන්න කියමූ"

"ලොකු නෝනලා මොනවා කියයිද නෝනෙ"

"අනේ අනේ මැණිකො අපි මොනවා කියන්නද මෙච්චර දවසක් කිව්වෙත් ඒක තමයි එක්ක එන්න කියලා"

"මම කියලා බලන්නම් නෝනෙ"

අවුරුදු තුනක චූටි දගකාර පුතෙක් මගෙ හිතේ ඇදුනා....

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

සෙනසුරාදා පාන්දරම නැගිටලා කෑම හදන්න ගත්තෙ පබසර දරුවත් එක්ක එනවා කියපූ නිසා....

"චූටි නෝනා ඉන්න මම ඕවා කරන්නම්"

"ඉන්න අනේ....මට පුළුවන්"

මිදුලෙ වාහනයක් නතර කරන හඩ ඇහුන නිසා මම මැණිකෙ අම්මව ඉස්සරහට යැව්වා....නැන්දයි මාමයි හදිස්සි වැඩකට ගියපූ නිසා මටත් පබසර ඉස්සරහට යන්න  මොකක්ද වගේ නිසා මම කුස්සියටම වෙලා හිටියා....

"එන්න පුතේ"

මැණිකෙ අම්මා පබසරගෙ පුතාව වඩාගෙන කුස්සියට ආවම මම හිතින් මවාගෙන හිටපු බබාට වඩා ලස්සනම ලස්සන බබෙක්....

"මෙන්න පුතේ ෂෝයි නැන්දා කෙනෙක්"

"කෝ එන්න බබා..."

අත් දෙක දික් කරන පමාවට පොඩි එකා මගෙ තුරුලට පැන්නා....අම්මගෙ ආදරයක් නැතිව හැදෙන දරු පැටියා ගැන මගෙ හිතේ ලොකු වේදනාවක් දැණුනා....

පැයක් විතර මං ළග හිටපු දරුවට එක පාර තාත්තව මතක් වෙලා අඩන්න ගත්තු නිසා මම දරුවත් වඩාගෙන සාලෙට ගියා....

"අඩනවද.."

"ම්ම්ම් ඔව්නෙ අඩන්න ගත්තා"

මට පිටුපාලා ඉන්න පබසර ඉස්සරහා හිටපු පබසරගෙ නංගි හිනාවෙලා ඇවිත් අහලා දරුවව වඩාගත්තා....මමත් ගිහින් නංගි ලගම පබසර ඉස්සරහා පුටුවෙ වාඩි උනා....

"මහීමා...."

ඒත් එක්කම මාව ආපහු නැගිට්ටවුනෙ ඒ පබසර වෙන කවුරුත් නෙමෙයි දැනට අවුරුදු තුනකට කලින් දැකපු පලවෙනි දවසෙම හිතින් ආදරේ කරපු නිර්වාන් සර්....

"සර්....හිතාගන්නවත් බෑ සර්...."

"ඔයා කොහෙද මෙහෙ"

"විභාගෙ ඉවර වෙලා මම ආවෙ මෙහෙට සර් මෙහෙ ඉන්නෙ මගෙ නැන්දයි මාමයි"  

"මට අදහාගන්න බෑ පිනිදි"

"මටත් සර්"

"මම බබාව අරගෙන ටිකක් එලියට යනවා අයියෙ"

නංගි දරුවවත් අරගෙන එලියට ගියෙ අපිට බාධාවක් කියලා හිතලා වෙන්න ඇති....

"මහීමා"

"සර්..."

"දන්නවද....එදා ඔයාව ඉස්කෝලෙ පුස්තකාලෙදි දකිනකොටම මට ඔයා ගැන ආදරේ හිතුනා.....ඒත් අවුරුද්දක් යනකන් ඒ ආදරේ හිතේ තියාගෙන හිටියෙ මම ගුරුවරයෙක් නිසා....ඊට පස්සෙ මහීමා නොකියම යන්න ගිහින්....මොනවා කරන්නද වෙලාව තමයි ඊට පස්සෙ මට පන වගේ ආදරේ කරන කෙනෙක් හම්බුනා...එයත් මට අර වස්තුව දීලා යන්න ගියා"

"සර්...."

"මං හරි අවාසනාවන්තයි මහීමා"

"එතකොට සර් මට ආදරේ කලාද"

"ඔව් මහීමා ඒක එහෙම්ම නැති කරගන්න උනේ ගුරුගෝල බැදීමකට ආදරයක් ගාවගෙන වැරදිකාරයො වෙන්න ඕන නැති නිසා"

"මාත්.....එ .හෙ...ම..යි"

"දැං මොනවා කරන්නද උන දේවල් උනානෙ මහීමා"

ඒ අත උඩ මගේ අත තියනකොට පබසර බැලුවෙ කෙලින්ම ඇස් දෙක දිහා....තවත් ආදරේ හංගගෙන ඉන්න බැරි නිසා ඇස්වලින් වැටෙන කදුළු ඔහේ ගලාගෙන යන්න දීලා ඒ උර හිසට වාරු උනා....

"පරණ දේවල් අමතක කරලා මට ඉඩ දෙන්න ඔයාගෙ දරුවට අම්මා කෙනෙක් වෙන්න"

ඒ වචන කොහොම පිට උනාද කියන්න අදටවත් මට තේරෙන්නෙ නෑ....

"මහීමා..."

"ඔව් මට මේ දරුවගෙ අම්මා වෙලා වැරදුනු අතීතෙ හදාගන්න දෙන්න....ප්ලීස්"

මම දරුවව පපුවට තුරුළු කරගෙන අඩනකොට පබසර ඇවිත් දරුවවයි මාවයි තුරුලු කරගත්තා....මැණිකෙ අම්මයි නංගියි කදුලු පුරෝගෙන අපි දිහා බලාගෙන හිටියේ සතුටින්.....

💞💞💞💞💞💞💞💞💞💞💞💞💞💞💞💞

💞සමාප්තයි💞

           "සංසාර මාවතේ කොතැනකදි හෝ ඔබ මට මගහැරෙන්න ඇති.....

සංසාරේ කල මතු පිනක් නිසා නැවතත් මට ඔබ හමු වෙන්න ඇති....."......

 හැමදාම වගේ මගේ කතා කියවන ඔයාලට අදත් කතාවක් අරගෙන ආවේ ගොඩාක් ආදරෙන්❤️.... ආදරෙයි හැමෝටම....බුදු සරණයි.....❤️

මම

❤️මීදුම් දහරා❤️

Comments System WIDGET PACK