💖🌹වස්සානයේ සඳ🌹💖 | Wassanaye Sada

💖🌹වස්සානයේ සඳ🌹💖

☀️කෙටිකතාව☀️ 

කොළඹ යන බස් එකේ සෙනඟ පුරෝලා...

යන්තම් නැගගත්තා පඩි දෙක තුන...

රස්සාවට යන්න විඳින දුකක්...

මොනා කරන්නද අප්පා ජීවත් වෙන්නත් එපෑ ...

කොහොමින් කොහොමින් හරි බස් එකේ ඇතුලට රිංගගත්තා ....

කොළඹට යනකන් යන්නත් එපැයි ...

එහා පැත්තෙ චූටි කෙල්ලෙක් සාරියකුත් ඇඳගෙන ...

කළුයි ඒ උනාට හැඩයි...හිත මොකද්දෝ උනා ...

මටත් පිස්සු අප්පා...

ඒකි නිකමට බලන්නෙවත් නෑ මූණ දිහාවත් ...

කලින් දැකලවත් නෑනෙ ...

අළුතෙන් වැඩට යනවා වෙන්නැති ... 

නැත්නම් මං හැමදාම ගියෙ මේ බස් එකේනෙ...

බොරැල්ල ලංවෙන්න ...බොරැල්ල ලංවෙන්න ...

කොන්දොස්තරය කෑගහනව ...

දැන් ඉතින් දොර හොයන් පලයන්කෝ මේ සෙනඟ ගොඩ අස්සෙ...

ලොකු අවුලක් නැති වෙයි ....බස් එකෙන් බාගයක්ම වගේ එතනින් බහිනවනේ....

මෙන්න බොලේ අර කෙල්ලත් මං ඉස්සරහ ...

මේකිත් බොරැල්ලෙ බහිනව වගේ ...

කොහෙද දන්නෑ වැඩ කරන්නේ ...

කල්පනා ලොව මල් වනේ මාත් හිතන ඒවා...

..............🔶🔶🔶 ශානු 🔶🔶🔶...........

මෙන්න මේකි බැහැල මගෙ පස්සෙන්ම ඇවිත් 154 බස් එකට නැග්ග කියපල්ලකෝ...

වටපිට බැලුවට ඒකිට සීට් එකක් නෑ ...

දැන් ඉතින් මගෙ ළඟ තමා ඔයාට වාඩිවෙන්න වෙන්නෙ නංගියෝ ...

😀😀😀

හිතුවත් වගේ වාඩි උනා කියහන්කෝ ....

මොකෝ මේ මගෙ හාට් එක අමුතුවට ලබ් ඩබ් ගාන්නෙ ...

මොකද්ද අප්පා මේ වෙන්න යන්නෙ ...

අයියේ ...

ඕ.ඕ...

මං හීන ලෝකෙන් එලියට පැන්නා...මෙන්න මේකි මටනෙ කතා කරන්නේ ...

ඇයි නංගි ...

අයියේ කැම්පස් හංදිය පහු උනාද ?

ආ...නෑ ...තව හෝල්ට් දෙක තුනක් එහා...

අනේ මට පොඩ්ඩක් කියනවද ...මං එච්චර දන්නෑ මේ හරිය...

හරි මං කියන්නම්...

ෆ්‍රස්ට් ජොබ් එකද මේ ?

ඔ.ඔව් අයියේ ...

ම්ම්ම්....මෙහෙ කොල්ලොත් එක්ක කතා කරන්නේ පරිස්සමින් ...

මං දන්නව අයියේ ...ඔයා හොඳ කෙනෙක් කියල හිතුනා ..

හ්ම්ම් ...ඔයා කොහෙද ? මං දැක්ක කොළඹට ආපු එකෙත් ඉඳියා ...

එහෙමද ?

ඔව්...ඔයා ඉඳියෙ මට එහා පැත්තෙ ...

ආ...වෙන්නැති අයියේ ...මට එපා වෙලා ඉඳියෙ ...සෙනඟ ගොඩනේ...

මං අවිස්සාවේල්ලේ අයියේ ...

අවිස්සාවේල්ලේ ? එහෙ කොහේද ?

ඇයි අයියත් එහේද ?

ඔව්... මං ආමි කෑම්ප් එක හරියේ....

ආ...මං ටිකක් එහාට යන්නෝනි ...

ආ...නංගි ඊලඟ හෝල්ට් එක ..තව පොඩ්ඩෙන් ඒකත් අමතක වෙනවා...

හරි අයියේ ...මං එහෙනම් බහිනවා...

හරි බුදුසරණයි ..

ඒකි නිකන් අමුතුවට වගේ බැලුව ...යන්තමට හිනාවෙලා බුදුසරණයි කිව්ව...

මමත් නිකන් ගොඩ කාලෙක ඉඳන් දන්නව වගේනෙ බුදුසරණයි කිව්වෙ ...ඒක හින්ද වෙන්නැති එහෙම බලන්නැත්තේ...

ඒ උනාට හිතට මොකද්දෝ වෙලා ..ගොඩ කාලෙක ඉඳන් දන්නව වගේ දැනුනා ...අනේ මංදා ...

මං අනන් මනන් හිත හිත බම්බලපිටියෙන් බැහැගත්තා....

....................🔶🔶🔶 ශානු 🔶🔶🔶...............

ඊලඟ උදෑසනෙත් කොහොමින් කොහොම හරි කෙල්ලව මීට් උනා ...

එයා රිතූ...ටිකක් පැෂනබල්...කොණ්ඩෙ ටින් කරල ස්ට්‍රේට් කරල ....

කෙල්ලො ඉතින් එහෙමනේ අද කාලෙ ....

මොනා උනත් කෙල්ල සාරියට හරි හැඩයි....

රිතූ...

ලස්සන නමක්...

තළෙළු හමට මැච් වෙන්න කෙල්ල සාරි එක අඳිනවා...

මට මේ කෙල්ලව අමතක වෙන්නෙම නෑ ...

දෙන්නට දෙන්න ආදරේ කරන්නත් වැඩි කල් ගියේ නෑ ...

අයියේ ....

ම්ම්ම්...

අපි විහාර මහා දේවී පාර්ක් එකේ ගහක් යට වාඩි උනා ...

අපි බඳිමුද ? 

ඇයි මගෙ මැණිකට මං නැතිව පාළුයිද ?

ම්ම්ම්...ඉක්මණට බැඳල මගෙ ළඟට එන්නකෝ...මට තුරුළු වෙලා දොයියන්න ...

හැබැයි ආපු ගමන් මං බබෙක් දෙනව හොඳේ...

අනේ ...ආපු ගමන් එපා ඉතින් ....අපි නිදහසේ ඉමුකෝ ටිකක් කල්...

හාකො හාකො ...

මං වටපිට බලල කම්මුලට හාද්දක් දුන්නා ...

ඔය ඉතින් ...කවුරුහරි දැක්ක නම් එහෙම ...

අපෝ මේකිගෙ හුරතලේ...මට ඉතින් ඇඳටම තමා ගෙනියන්න හිතෙන්නේ....

ගෙනියන්නකෝ ඉතින් ...

පිස්සුද මගෙ මැණිකේ ...උඹ ගෑණියෙක් වෙන්නෙ මගෙ වයිෆ් උනාට පස්සෙ තමා ...ඊට කලින් මේව තහනම් කලාප....

මං යටි බඩ හරිය පෙන්නල රිතූට කිව්වා...

හ්ම්ම් ...

මගෙ ඔළුව අතගාන්නකෝ...

රිතූ මගෙ උරිස්සට ඔළුව තියාගත්තා ...

මං හෙමීට ඒ හිසකේ අතර අතැඟිලි යැව්වා....

මේකි මගෙ පණ ඩිංග ....මං ඒකිව පරිස්සම් කලේ මගේම නංගි වගේ ...

කතාව කියෝන ඔයාලටත් හිතෙනවා ඇති පුදුම කොල්ලෙක් කියල නේ...

වෙන කොල්ලො බලෙන් හරි කෙල්ලව රූම් එක්ක යන කාලෙ කෙල්ල කැමති වෙලත් මං සිල් රකිනවා...ඒ ඉතින් මගෙ ආදරේ හැටි...

................🔶🔶🔶 ශානු 🔶🔶🔶................

මොකෝ මැණිකේ මූණ අමුතු වෙලා ....

මට අමාරුයි අයියේ ...

ඇයි ? ඔයා සනීප නැතිවද ?

හ්ම්ම් ....

ඇයි සුදූ....මොකද්ද ඔයාට උනේ ....?

බයවෙන්නෙපා ...මේක මට මාසෙකට සැරයක් වෙනවා...මෙහෙම දාට මට ඉන්න බෑ ...

මෙන්සස් ද ?

මං ඇහුවෙ කණට කොඳුරලා...

රිතූ ඔළුව වැනුවා ...

අනේ ...ගොඩාක් අමාරුද මැණික ?

යටි බඩ රිදෙනවා ඉන්න බෑ ....මුළු ඇඟම රිදෙනවා ....ඇඟට පණත් නෑ ...

අනේ දෙයියෝ ...කලින් කියන්න එපැයි ...එහෙනම් මං බීච් යන් කියන්නෑනෙ ...

එහෙම බෑනෙ ඉතින් ...අපි හැමදාම මීට් වෙන්නෑනේ මෙහෙම ...

මීට් වෙන්න කවද බැරිද බං කෙල්ල ? දැන් යමං ...

මං රිතූගෙ අත අල්ලන් පරිස්සමට බස් එකට නැග්ගෙව්වා...

උරහිසට ඔළුව හේත්තු කරගෙන ශේප් එකේ බණ්ඩිය අත ගෑවා...

වටපිටාවෙ කස්ටිය නෑ සෙනසුරාදා නිසා ...

රිතූගෙ හිනාවෙන් මට තේරුනේ කෙල්ල මං බණ්ඩිය අත ගානවට කැමතියි කියල .

පව් අහිංසකී....

කෙල්ලව ඉක්මණට මගෙ ළඟට ගන්නෝනි ...

ඒත් අපේ අම්මලත් වයසයි...සල්ලිත් නෑ අප්පා වෙඩිමක් ගන්න ...

බලමු ගෙදරින් අහල ...

රිතූට නින්ද ගිහින් ...කෙල්ල බහින තැනටම මාත් ආවා...

සුදූ  ...නැගිටින්න ...බහින්න ලඟයි....

මට හොඳටම නින්ද ගියා අයියේ ...හරි සනීපයි ඔයා බඩ අතගාද්දි....

ම්ම්ම්...බැන්දට පස්සෙ හැම වෙලේම අතගගා ඉන්නම්කෝ...

මං රිතූගෙ ඔළුව අත ගෑවා...

.................🔶🔶🔶 ශානු 🔶🔶🔶...............

අම්මේ...

කියහන් කොල්ලෝ...

අම්මේ මං ගෑණු ළමේක් එක්ක යාළුයි....

හැබෑවට ? කොහේ දැරිවියක් ද දරුවෝ ...?

වැඩි ඈතක නෙවේ ...මේ ළඟ...

එහෙමද ? අහිංසක ය ?

ඔව් අම්මේ ...නැත්නම් මං යාළු වෙන්නෙ නෑනෙ ....එයා ගොඩාක් හොඳයි ...

එහෙනම් ඉතින් මගෙ අමනාපයක් නෑ ...උඹට හොඳයි නම් ඉතින් එච්චරයි දරුවෝ ...මං තාත්තටත් කියන්නම්කෝ....

අම්මලත් දැන් වයසට යන එකේ ළඟ කවුරුහරි ඉන්නත් ඕනනෙ අම්මේ ...

අනේ ... ඔය තරුණ කෙල්ලො අපිට සාත්තු කරන එකක් නෑ බං දරුවෝ ...

එහෙම වෙන එකක් නෑ අම්මේ ...එයා ගොඩාක් හොඳ කෙනෙක් ...

බලමුකෝ ...බලමුකෝ ...දැන් ඉතින් මඟුලක් ගන්නත් සල්ලි හොයාගන්නෙපෑ...

ඒක තමා අම්මේ මාත් මේ කල්පනා කලේ...පොඩියට හරි ගනිමු...එයාලගෙ ගෙදරත් එක්ක කතා කරලම තීරණයක් ගනිමුකෝ...

හ්ම්ම් ...ඒක හොඳා...උඹ කෑවෙත් නෑ නොවැ ...කාල ඉඳහන් ...

හා අම්මේ ...මං කන්නම් ඇඟ සෝදගෙන...

.................🔶🔶🔶 ශානු 🔶🔶🔶..............

අම්මයි තාත්තයි හොඳටම වැහැරිලා ගිහින් ...

මං දන්න කාලෙ ඉඳන් එයාල ගොඩාක් මහන්සි වෙනවා මට කන්න අඳින්න දෙන්න ....පවුලේ එකම දරුව උනු මං ගැන එයාල ගොඩාක් බලාපොරොත්තු තියන් ඉඳියා ....

හිටි ගමන් තාත්තා එකතැන් උනා ...දැන් කාලෙ හමාරයි කියන්න වගේ ...

අනේ මගෙ මහත්තයෝ ...මට මේ ගෙදර ඉන්න බෑ තවත් ...අපෙ තාත්තා මට හරියට ගහනවා....

මීට් උන දවසක රිතූ කිව්වෙ එහෙම .

ඒ මොකටද ඔයාට ගහන්නෙ ?

මං එයාගෙ දරුවෙක් නෙමේලු...අපේ අම්ම වේ$කමේ ගිහින් හදාගෙනලු...

ඉතින් ඒකට ඔයා පලි නෑනෙ රත්තරනේ ...

අනික දැන් ඕව කියල හරියනවද ?

අවුරුදු විසිපහකුත් ගියාට පස්සෙද ඒව මතක් වෙලා තියෙන්නෙ තාත්තට....?

මං දන්නෑ අනේ...කුඩම්ම අපේ තාත්තව අවුස්සනවා...

මං ඔයා එක්ක රවුම් ගහනව කියල තාත්තා එක්ක කියල තියෙන්නත් එයා...

අනේ මාව එක්ක යන්නකෝ...

සුදූ ...මේ අහන්න ...

මේ හදිසියේ මං කොහොමද මැණික උඹව එක්ක යන්නේ ...

වෙඩිමක් ගන්න තියා අම්මගෙයි තාත්තගෙයි බේත් වලට සල්ලි හොයාගන්නෙත් ගොඩාක් අමාරුවෙන් ...

වෙඩින් ඕනි නෑ අනේ ... මං ඔයා එක්ක එන්නම් ...මාව එක්කන් යන්න ...

ඔයා කියන්නෙ හොරෙන් යන්නද ?

ඔව්..ඔව්...

ඔයාට දුක හිතෙයි මැණික පස්සෙන් පහු ඒ උනාට ...

මොනා උනත් කෙල්ලෙක්ගෙ ජීවිතේ වටිනම දවසක් නේ ඒක ...

අනේ එහෙම නෑ ...මාව එක්කන් යන්න ...ප්ලීස්...මට තවත් ඉන්න බෑ ගෙදර ...

රිතු මගෙ දෙපතුල් ළඟ වැටුන ..

මොකද රත්තරනේ මේ...

නැගිටින්න ...

මං කෙල්ලව නැගිට්ටල පපුවට තියාගත්තා ...

අපි එහෙනම් යමු...

මං අම්මට කියන්නම් ඔයාව එක්ක ආවා කියල ...

අම්ම බනීවිද ඔයාගෙ ?

අසරණ වෙච්ච ඒ ඇස් වල තුනීයට කඳුලක් මෝදු වෙලා ...

අම්ම මට මොනාත් කියන්නෑ රත්තරනේ ...මං එයාලට කීවත් එක්කනේ ඔයා ගැන ...අපි යන්....

මං රිතු එක්කන් අපේ ගෙදර ගියා ...

අම්මයි තාත්තයි මොනාත් කිව්වෙ නෑ ..

වෙඩින් ගන්න මට සල්ලි නෑ කියල එයාල දන්නවා...

අනික මගෙ කැමැත්තට එයාල බාධාවක් වෙන්නෙ නෑ කවදාවත් ....

.................🔶🔶🔶 ශානු 🔶🔶🔶............

අනේ මට බෑ අයියේ මෙච්චර වැඩ කරන්න ...

රිතූ ගෙදර නැවතුනේ මගේ කීමට...

ගෑණිගෙ සල්ලි වලින් කන්න අඳින්න මට ඕනි උනේ නෑ ...

ඇයි මැණික මොනාද කරන්න තියෙන්නෙ ?

හැමදාම කසාය හැලිය තම්බන්නෙපෑ ....

තෙල් ගාන්නත් ඕනි ...පත්තු බඳින්නත් ඕනි ...

රිතූ කියන්නෙ මගෙ අම්මයි තාත්තයි ගැන ...සිංහල බේත් වලට මේ දේවල් නිතිපතා කරන්නෝනි ...

ඔයා ඕක තියල යන්න ...මං කරන්නම් මැණික ...

වැඩට යන නිසා මට වෙනදට  කරන්න වෙලා නෑනෙ...

අද මං කරන්නම්කෝ.....

දැන් මගෙ හොඳ මැණික වගේ නාගෙන එන්න ගිහින් ....

සැහැල්ලුවෙන් හිටපු කෙල්ලට මේ ජීවිතේ බර වැඩි ඇති ...

ආසාවෙන් කරනව වගේ පෙන්නුවට ඒකිට එපා වෙලා ඇති ...

මං දැක්ක නියපොතුත් බේත් වලට අමුතු පාටක් ගැහිල තියෙනවා ...

මේ ප්‍රශ්න කොහොමද විසඳන්නේ මං ? මට රිතූ නැතිවත් බෑ ....අම්මල නැතිවත් බෑ ....ඒ දෙන්න ලෙඩ ඇඳට වැටුනෙ මං හින්ද ...

එන්න එන්න ප්‍රශ්න වැඩි උනා ...රිතූ මට කතා කලේ එයාලගෙ පුංචිලගෙ දිහා යන්න ...ඒත් මං කොහොමද එහෙම කරන්නේ ...?

ඔයාට බැරි නම් නිකන් ඉන්න ...මං යනවා ...

හොරෙන් ඇවිත් මාස තුනයි ගත වුනේ ...රිතූ මං දාල යන්න ගියා ....

මට ඒකි නැතිව බෑ ...කරන්නම දෙයක් නැති තැන නැන්දව අම්මල ළඟ තියල මං රිතූ ඉන්න දිහාවට ආවා...

මං හිතන් උන්නෙ ටික දවසක් ගිහින් රිතූව ආයෙ එක්ක එන්න ...

මොනා උනත් ඒ මගේ කසාද ගෑණි ....

නීති පොතේ නම ලියවෙච්ච මගෙ ගෑණි ...

ඔයා මෙහේ නවතින්න...මට බෑ එහේ යන්න ...

මං කොහොමද රිතු එහෙම කරන්නේ ?

අපෙ අම්මල ඉන්නෙ ලෙඩින් ...ඔයා ඒක දන්නවනෙ...

ඔයා ඕනි එකක් කරගන්න ...මං එහේ එන්නෙ නෑ ...

මං එක්ක ආපු අර අහිංසක කෙල්ල කොහේ ගිහින්ද කියල මට හිතුනා ...

රිතූ වෙනස් උනු විදිය මට හිතාගන්නවත් බෑ ...

එයාගෙ වියදම් දරන්න මගෙ කාසි මදි උනා ....

සතියකට දවස් තුනක් සැලෝන් යනවමයි...ඒ යන හැමවාරෙකම අළුත් ඇඳුමකුත් අතේ රැඳෙනවමයි...

මගෙ සොච්චම් පඩියෙන් කොහොමද ඕව කරන්නේ ...?

ඒ කාලෙ එයාගෙ පඩියෙන් ඕව තමා කරන්න ඇත්තේ...

ඒකනෙ අතේ සතයක්වත් නැත්තේ...

මට මගෙ අම්ම බලන්නවත් යන්න විදියක් නෑ ....

ගියොත් මේකි මාව ඩිවෝස් කරාවි ...

මං කොහොමද ඒකි නැතුව ජීවත් වෙන්නෙ ?

අම්මට වඩා ගෑණිව ලොකු උනේ කොහොමද ? 

හැමෝම අහාවි මගෙන් ...

ඇත්ත...අම්මා එක...

ඒත් මගෙ ජීවිතේ රිතූ....මගෙ හිතගත්ත, මං ආදරේ කරපු එකම කෙල්ල ....මං ගෑණියෙක් කරපු එකම කෙල්ල ....හීන මාළිඟාවක් ගෙනාපු කෙල්ල මගෙන් ඈතට යවන්නෙ කොහොමද මං ?

එක දවසක් උදේ පාන්දරම නැන්දා කෝල් එක දුන්නෙ අම්ම නැති උනා කියල ....

මගෙ මුළු ලෝකෙම කඩන් වැටුන කියල මට දැනුනා ...

මං රිතූවත් දාල අම්මගෙ මූණ අවසාන වතාවට බලල යන්න ආවා..

මං මගෙ අම්මව මරාගත්ත වගේ හැඟීමක් මට දැනුනා ...

ආපහු මං රිතූව බලන්න ගියෙ නෑ ....

ටික කාලෙකට පස්සෙ රිතූ වෙන කොල්ලෙක්ව බැඳල තිබුණා ....

පුංචිගෙ යාළුවෙක්ගෙ පුතෙක් ...

මං තාත්තා එක්ක නැවතුනා ...

නැන්දත් එක්ක එකතු වෙලා අළුතෙන් කඩයක් දාගත්තා ...

වැඩට යන ගමන් තාත්තා බලාගන්න මට බෑ ...

නැන්දට තාත්තව බාර කරල මට පැත්තකට වෙන්නත් බෑ ....

වස්සානය ගෙනාපු ඒ හදවත මගෙ ජීවිතේට ගිම්හානය දීලා යන්න ගියා ....

ආයෙමත් ඒ පුරහඳ මගෙ ලෝකෙට පායාවි කියල බලන් උන්නත් කවදාවත් එහෙම උනේ නෑ ...

දැන් නම් පුරහඳ ගැනවත් වස්සානය ගැනවත් මගෙ පුංචිවත් බලාපොරොත්තුවක් නෑ ...කඳුළු බිබී දවස ගත කරපු කාලෙ දැන් ගෙවිල ගිහින් ...

ජීවිතේ හරි අඩක්ම ගෙවිල ගිහින් අවසානයි ....ඉතුරු ටික තනියම ගෙවන්න මට බැරි කමක් නෑ ...

ඇත්තටම එයා මාව දාල ගියෙ කොහොමද ? මට ආදරේ කරපු ඒ හිත වෙන පිරිමියෙක් ලඟ එච්චර ඉක්මණට නතර උනේ කොහොමද ? 

අදටත් මං ඒ ප්‍රශ්න වලට මගෙන්ම උත්තර හොයනවා.....

🌷නිමි 🌷

⭐⭐⭐ලියන්නේ :- ශානු ⭐⭐⭐ 

🐦උපුටා ගැනීම තහනම් 🐦

Comments System WIDGET PACK