💍💖--මැණික උඹ නිසා--💖💍 | Manika Uba Nisa

💍💖--මැණික උඹ නිසා--💖💍

"උඹ පට්ට බැල්ලි...උඹේ වැඩක් බලාගෙන ඉදපන් මගේ දේවල් වලට ඇගිලි ගහන්නේ නැතුව...උඹ කවුද මට උපදෙස් දෙන්න..."

මං සදහසිගේ කට මිරිකුවේ ඇයව බිත්තියට තද කරමින්.රිදෙන්න ඇති..ඒත් උඹේ ඇස් වලින් කදුළු ආවේ නෑ....උඹ හැමදාම එහෙමයි....කවදාවත් මං ඉස්සරහා කදුලු පෙන්නුවේ නෑ මං උඹට මොන තරම් රිද්දුවත්...

"අ....කා...ෂ්....මං....මං කියන දේ අහන්න....ඔයා...ඔයා ඔය කරන වැඩ නවත්තන්න....ඔයාට...ඔයාට ආදරේ...නැති කෙනෙක්....වෙනුවෙන් නාස්ති...වෙන්න එපා......"

උඹ එහෙමයි කිව්වේ.උඹේ කටින් මං ඔය වචන ටික දහස් වතාවකට වඩා අහන්න ඇති.ඒත්...ඒත් මගේ හිත කැමති වුණේ නෑ උඹට ඇහුම්කන් දෙන්න....උඹ තියා කවුරු කිව්වත් නයෝමිව අමතක කරන්න.

උඹ බැල්ලි...උඹට ඉන්න බැරි නම් පළයන් මෙහෙන්...උඹ මොන එහෙකටද මාව කසාද බැදගත්තේ.....මං අම්මට කිව්වා මට ගෑනු ඕන නෑ කියලා...ඉන්න බැරි නම් පළයන් උඹ....."

උඹට බැනලා මං බයික් එකත් ස්ටාට් කරගෙන පාරට බැස්සේ යන්නේ කොහෙද කියලාවත් අදහසක් නැතුවයි.

---------------

-------------------

"අම්මේ...මොන මගුලක්ද කියවන්නේ..මට කසාද බදින්න ඕන නෑ....මට කසාද බදින්න ඕන නෑ......."

"පුතේ.....තව කොච්චර කාලයක් ජීවිතේ නාස්ති කරගන්නද කල්පනාව...මං කසාදේ ලෑස්ති කරලා ඉවරයි..නයෝමිව අමතක කරලා අලුතින් ජීවිතේ පටන් ගන්න...ඒකිට තවත් රැවටෙන්න එපා මගෙ පුතේ."

දඩාස්........

මං මේසේ උඩ තිබුණ මල් වාස් එක මහ හයියෙන් පොළවේ ගැහුවේ අම්මගේ කටින්වත් මගේ නයෝමි ගැන වැරදි වචනයක් පිටවෙනවා අහන්න මං අකමැති නිසා.

"...පුතේ....මේ අහපන්..උඹ දුක් විදින දිහා බලන් මං මෙච්චර කල් ඉවසුවා..උඹ මේ කසාදෙට අකමැති වුණොත් අම්මාගෙ මරණෙ තමයි දකින්න වෙන්නේ...."

----------------

-----------------------

අන්න ඒ නිසයි මං උඹව කසාද බැන්දේ.උඹව කසාද බැන්දත් මං ආදරේ කළේ නයෝමිට විතරමයි...උඹ ගොඩක් උත්සහා කළා මට ළං වෙන්න.....මං වෙනුවෙන් ගොඩක් මහන්සි වුණා..නිතරම මට ආදරෙන් සැලකුවා....මං උඹට ගහද්දි බනිද්දි ඒවත් ඉවසගෙන හිටියා...ඒත් උඹට වඩා මට නයෝමි වටිනවා.

නයෝමි කියන්නේ ඉස්කෝලේ කාලෙ ඉදන් මං ආදරේ කරපු කෙනා..ඉස්සර මං ඉස්කෝලේ යන්නෙම එයාගේ ඒ ලස්සන මූණ බලන්න....ඒ හිනාවට ඒ අහිංසක කමට මං ගොඩක් ආදරේ කළා...නයෝමි තරම් ලස්සන කෙල්ලෙක් අපේ ඉස්කෝලේ හිටියේ නෑ....මට සතුටුයි මාත් එයාට ගැලපෙන තරමට ලස්සනට හිටියා....

අපි ඉස්කෝලෙදි ක්ලාස් වලදි හිටියේ එකටමයි...එයත් මට ගොඩක් ආදරෙන් හිටියේ....අපි ඒලෙවෙල් එග්සෑම් එකත් කළා......විභහගෙන් පස්සේ අපි අපේ ගෙවල් දෙකට සම්බන්ධේ ගැන කිව්වා..අපි කොච්චර වාසනාවතද කියනවා නම් දෙගොල්ලොම කැමති වුණා තව ටික කාලෙකින් කසාදෙ කරමු කියලා....නයෝමිලගෙ ගෙදර අයට එච්චර සල්ලි නැහැ..තාත්තා නැතත් අපිට නම් වැඩිය අගහිග කමක් නොතිබුණේ තාත්තගේ ගාමන්ට් ෆැක්‍ට්‍රි එක නිසා...

"ආකාෂ්...අනේ මට ආසයි ෆැෂන් ඩිසයිනින්ග් කෝස් එකක් කරන්න..ඒත් අම්මලට සල්ලි නෑනේ ඒකට.හ්ම්...."

නයෝමි දවසක් එයාගේ ආසාව ගැන මට කිව්වේ මූණත් එල්ලගෙන....ඒ ඇස් වල දුක දකින්න අකමැති වුණ නිසා මං කිව්වා කෝස් එකට මං වියදම් කරන්නම් ඉගන ගන්න කියලා.

මගේ තුරුලට පැනපු කෙල්ල මාව ඉඹගෙන ඉඹගෙන ගියේ සතුටට......ඒත් කෝස් එක තියෙන්නේ කොලඹ කිව්වම මට හිතුනා අපරාදේ මං එහෙම කිව්වේ කියලා...මං කොහොමද මගෙ මැණිකව එච්චර දුරක යවන්නේ...

ඒත් කොහොමහරි නයෝමි මාව කැමති කරගත්තා...එයා එහේ යැව්වා...හැම මාසෙම මං එයාගෙ වියදමට සල්ලි යැව්වේ එග්සෑම් එකෙන් පස්සේ තාත්තගේ ෆැක්ට්‍රි එකේ වැඩ බාර අරගෙන.

මං අරන් දුන්න ෆෝන් එක නිසා අපිට ඒ තරම් තනිකමක් දැනුනේ නෑ..පුළුවන් හැම වෙලාවෙම අපි කතා කළා..සති දෙකකට සැරයක් වගේ නයෝමි ගමට ඇවිත් ගියා....එන්න එන්නම එයාගේ ඇදුම් පැලදුම් වෙනස් වෙන්න ගත්තා......දිගට පිළිවෙලට ඇදපු ඇදුම් ටික ටික කොට ඒවා වෙද්දි මං හිතේ කරදරෙන් හිටියේ....

"එහේ ඉද්දි ගොඩේ විදියට ඉන්න බෑ ආකාෂ්...මෙහෙම තමයි එහේ අදින්නේ...අනික අනේ අදින ඇදුමෙන් චරිතය තීරණය වෙන්නේ නෑනේ.."

මට හිතුනා නයෝමි කිව්ව කතාව ඇත්ත කියලා.ගමේවගේ ඇදලා ලැජ්ජ වෙන්න බෑනෙ.

වැඩි කල් නොගිහින් රිසල්ට් ආවා...නයෝමි එග්සෑම් එක හොදට පාස්...මාත් පාස් වෙලා තිබුනට කැම්පස් යන්න ලකුණු මදි..ඒත් මං මගේ කෙල්ල වෙනුවෙන් හදවතින්ම සතුටු වුණා..

නයෝමි කැම්පස් ගියා.ඒ අතරේ කෝස් එකත් දිගටම කළා......දවසක් එයා මට කෝල් කරලා කිව්වා ෆිල්ම් එකක ඇක්ට් කරන්න චාන්ස් එකක් ලැබුණා කියලා...මගේ වැඩිකැමැත්තක් තිබුණේ නැ එයා රගපානවට....ඒත් මං මුකුත් කිව්වේ නෑ.....වැඩි කල් නොගිහින් නයෝමි රටම දන්න නිලියක් වුණා....ඉඩ ලැබුණ වෙලාවට මං කොලඹ ගිහින් එයාව මුණ ගැහුණා..ඒකත් කරන්න වුණේ හොරෙන්..එයා රටම දන්න කෙනෙක් නිසා කතාවක් හැදෙයි කියලා අපිට පරිස්සම් වෙන්න සිද්ධ වුණා.....මං නම් ඒකට කැමති නෑ....ඒත් එයා කිව්වා එහෙම කතා හැදුනොත් එයාට වැඩ අඩුවෙයි කියලා...ඒ කොහොමවුනත්...අපි හිටියේ සතුටින්...මට මගේ කෙල්ල ගැන ගොඩක් ආඩම්බරයි....

"ආකාෂ්......මට ඔයාට කියන්න දෙයක් තියෙනවා...."

"මොකක්ද මැණික...."

"මේකයි....මං හිතනවා ඔයා මාව තේරුම් ගනීවී කියලා..."

"කියන්න මැණික...මොකක්ද කියන්න හදන්නේ ඔයා..."

මගේ පපුව ගැහෙන්න ගත්තේ නයෝමිගේ මූණේ ඉරියව් දැකලා.

"මට ඕස්ට්‍රේලියා යන්න වෙනවා.ෆීල්ඩ් එකේ වැඩකට..."

හ්ම්....නයෝමි ගියා.වැඩේ ඉවර කරලා ඉක්මනින් එන්නම් කියලා එයා යද්දි පළවෙනි වතාවට පිරිමි මගේ ඇස් වලට කදුළු ආවා.....ඒ ගියාට පස්සේ අදටත් නයෝමි තවම ආවේ නෑ.මං එයාලගේ ගෙදරින් ඇහුවා...එයාලා විස්තරයක් කිව්වෙත් නෑ....මගේ කෙල්ලට මොනවා වුණාද....රට්ටු කතා කිව්වා ඒකි මිනිහෙක් එක්ක ගිහින් කියලා...නෑ....මං ඒවා පිළිගන්නේ නෑ...මං උන්ට අමතක නොවෙන්න කියලා දුන්නා..මගේ කෙල්ල කවුද කියලා.....අම්මගෙ බලකිරීමට මං සදහසිව බැන්දාට මං අදටත් බලන් ඉන්නෙ මගේ නයෝමි එනකල්.

----------------------------

------------

වේගෙන් ආපු මම බ්‍රේක් ගහපු පාරට තව ටිකෙන් මං ලිස්සලා යනවා...ඒත් මට සිහියක් නෑ..මගේ ඇස් ඉස්සරහා තිබුණේ මං කවදාවත්ම දකින්න බලාපොරොත්තු වුණේ නැති දෙයක්..

සුදු පාට CHR එකකින් බැහැලා දරුවෙක් වඩාගෙන කොල්ලෙක් එක්ක ෆොටෝ ගන්න ගමන් හිටියේ වෙන කවුරුත් නෙවෙයි මගේ නයෝමි.

ඒ මොනවා වුණත් මං බයික් එකත් බිමට අතෑරලා එයා ළගට දුවලා ගියේ එයා දැකපු සතුටට.

මං එයාව බදාගත්තා.ඉඹින්න උත්සහා කළා.ඒත් තත්පරයකින් මාව එහාට විසි වුණා.මාව තල්ලු කරලා දාලා එයා මං දිහා රවලා බලාගෙන හිටියා.

"නයෝමි...මැණික...මැණික ඔයා කොහෙද ගියේ...උඹේ සුදු මහත්තයා උඹව කොච්චර හෙව්වද...?"

මං නයෝමිව හෙලෙව්වේ පිස්සෙක් වගේ.

"කවුද ඩාලින්ග් මේ.....ඔයා මෙයාව දන්නවද....."

එයා එක්ක ඉදපු කොල්ලා ඇස් ලොකු කරලා මං දිහා බැලුවා.

"උඹට වැඩක් නෑනේ...මේක අපේ ප්‍රශ්නයක්..මායි නයෝමියි විසද ගන්නම්.."

මං එහෙම කියලා ආයෙත් නයෝමි දිහාට හැරුණා.

"එක්ස්කියුස්මී..කවුද හලෝ ඔයා...මං ඔයාව දන්නේ නෑ...පොලීසියට කියන්න කලින් මෙතනින් යනවා හිගන්නා.....ෂිට්...."

මට පොළව පලාගෙන යන්න හිතුණා.මගේ නයෝමිමද මේ..නෑ...නයෝමි ඇයි මෙහෙම හැසිරෙන්නේ..

"අපි යමු ශාන්...පිස්සෙක්ද කොහෙද....මේහේ ඉතින් මට ෆෑන්ස්ලා ගොඩයි...නිළියෝ වෙනුවෙන් මැරෙන්න හදන ෆෑන්ස්ලත් ඉන්නවනේ....එන්න අනේ අපි යමු...අම්මිලව බලන්න ඕන....."

ඒ නයෝමිම තමයි...එයා ගියා..මං දිහා බැලුවෙවත් නැතුව...පුංචි දරුවා මට අත වැනුවා.........දෙයියනේ මං රැවටුණා.......මං මෙහෙම ගෑනියෙක්ටද මෙච්චරකල් ආදරේ කළේ....මං...මං සදහසිට කොච්චර රිද්දුවද....ඒ කෙල්ල මට මොනතරම් ආදරේද...මං...මං මහ පව්කාරයෙක්....

ඇස් කදුලු වලින් බොද වෙලා තියෙද්දි මං බයික් එකට නැග්ගේ උඹෙන් සමාවගන්න හිතාගෙන.

----------------

-----------------------

"සදහසි....සදහසි.....ඔයා......ඔයා කොහෙද....."

මං කෑ ගැහුවට උඹ ආවේ නෑ.කාමර ඇතුළෙත් උඹව හොයන්න හිතාගෙන ඇතුළට යද්දි මං දැක්කා මේසේ උඩ තියෙන කොළ කෑල්ලක්.කලබලේට වෙව්ලන අතින් මං ඒක දිග ඇරියා.

"මගේ අකාෂ් අය්යේ...මට බෑ තවත් ඔයාට කරදරයක් වෙන්න...ඔයා දුක් විදින එක බලාගෙන තවත් ඉවසගෙන ඉන්න මට බෑ...ඔයාගේ අම්මා මට ඔයාගේ ප්‍රශ්න කිව්වා කසාදෙට කලින්ම...මං..මං හිතුවා ඔයාගේ විනාස වුණ ජීවිතේ ලස්සන කරන්න මට පුළුවන් වෙයි කියලා....මේක යෝජිත කසාදයක් වුණත්...දන්නවද මං ඔයාට කොච්චර ආදරේ කරනවද කියලා....ඔයාට මං ගොඩක් ආදරෙයි.....මං....මං කොච්චර උත්සාහ කළත් ඔයාට මං ගැන හැගීමක් නෑ....මං තීරණය කළා ආකාෂ් අය්යේ මෙහෙන් යන්න.ඒක ඔයාට සැනසීමක් වෙයි...මාව හොයන්න එපා....."

"මගෙ රත්තරන්....මගෙ රත්තරන් උඹත් මේ කාලකණ්නියව අතෑරලා ගියාද රත්තරන්....මං..මං පරක්කු වැඩි වුණාද දෙයියනේ....මං...මං ආවේ උඹෙන් සමාව ගන්න....හැමදාටම මං එක්ක ඉන්න කියල උඹෙන් ඉල්ලන්න...උඹ ගියාද මගේ මැණික....."

මං මහ හයියෙන් විලාප ගහන්න ඇති.මට දැනුනේ මගේ ලෝකෙම විනාස වුණා කියලා.කාමරෙන් එලියට ඇවිත් මං දිහා ඇස් ලොකු කරන් බලන් ඉන්න උඹව මං දැක්කේ අහම්බෙන්.

"අ...අයියේ.."

මං උඹ ළගට ආවා නෙවෙයි දිව්වා.දෑතින්ම උස්සලා උඹව වඩාගත්තේ කදුලු ගගක් ගලද්දි.උඹේ ඇස් වලත් කදුළු.

"මගෙ මැණික...මගෙ රත්තරන් මාව දාලා ගියා කියලා මං හිතුවේ....යන්න එපා මගෙ මැණික..උඹයි මෙච්චර කල් මේ පිස්සව බලා ගත්තේ..හැමදාම මගේ ළගින් ඉදාපන් මැණික.මං...මං උඹ ළගින් හෙල්ලෙන්නේ නෑ..."

උඹ ලග අරලිය මල් සුවදයි....ඒක උඹේ සෙන්ට් එකේ සුවද..උඹත් අරලිය මලක් වගේ...හිත නිවනවා...මං ඒ සුවද හිත පුරා විදගත්තා.

"මං...මං යන්න තමයි හැදුවේ....

උඹ කිව්වේ සාලෙ තිබුණ සූට්කේස් එක පෙන්නමින්..

"මං......මං...හිතුවේ....නෑ ඔයා දැන්ම එයි කියලා...."

උඹ ගොතගහනවා..උඹටත් හිතාගන්න බැරුව ඇති මොකක්ද මේ වුනේ කියලා..

"මැණික..යන්නේ නෑ කියන්න....මේ පව්කාරයට සමාව දෙනවා නේද...මං...මං ආයෙ කවදාවත් උඹේ හිත රිද්දන්නේ නෑ...යන්න එපා මගෙ රත්තරන්...."

මට හිතුණා උඹේ කකුල් ළග වැද වැටෙන්න.

"අයියේ...මගේ පණ..මං...මං යන්නේ නෑ....මං හැමදාම ඔයා එක්ක....ඉන්නවා....මං...ගොඩක් ආදරෙයි අයියේ...."

උඹව වඩාගෙන මං මුළු සාලේ පුරාම නැටුවා.මං ජීවිතේ අලුතින් පටන් ගත්තා උඹ එක්ක..නයෝමිගෙ මතකයන් වල දැම්මා....මැණික උඹ නිසා.....උඹ නිසා මට අළුත් ජීවිතයක් ලැබුණා...උඹට පිං..

------🌸නිමි🌸-------

Comments System WIDGET PACK