💞💞 ආදරය 💞💞 | Adaraya

පුංචිම නොවන පුංචි කතාවක්

💞💞 ආදරය 💞💞

අකුරු අමුණන මං

✍️නිහඬ සඳවතිය (රෂී)

රෑ අහාසේ තරු පිරිලා හඳ එළිය තැන තැන ගස් උඩට වැටිලා පුදුම නිස්කලංක බවක් තිබුණේ.වෙනදා පුරුද්දටම මං සීතලේම ඇවිදන් ගියේ මිදුලේ කොනකට වෙන්න තිබුණ පුංචි බංකුවට.එතන ඉන්නකොට මේ හිත පුංචිම පුංචි වෙලාවකට හරි සන්සුන් වෙනවා.ඈත අහාසේ පායලා තිබුණ සඳ ඇස ගැටෙද්දි අඳුරු අතීතයට මේ හිත ගියේ මටත් හොරා....................

💞💞 මං ගොඩාක් දුප්පත් කෙල්ලෙක් අම්මා එක්ක ජීවත් වුණ මට දුක හොඳටම පුරුදුයි.අඩියෙන් අඩිය මට පුළුවන් විදිහට මහාන්සි වෙලා සාමාන්‍ය පෙළ පන්තිය වෙනකම් ආවා.උඹව මට හම්බවුණේ මං සාමාන්‍ය පෙළ කරන දවස් වල.හරි අහාඹු විදිහට.අනික් අය තරම් මහාලොකු ලස්සනක් නම් මට තිබුණේ නෑ.ඒත් අවලස්සනයි කියන්න තරම් වරදක් තිබුණේත් නෑ මට.දවසක් මං අපේ අම්මා එක්ක මළගෙදරක ගියා.එහිදී මං උඹේ යාළුවාව දැක්කේ උඹේ යාළුවාගේ මාර්ගෙනුයි උඹට මගේ ෆෝන් නම්බර් එක හම්බෙලා තියෙන්නේ.මං දැනන් හිටියේ නෑ ඒ කවුද කියලා.හැබැයි අපේ අම්මාගෙන් සිහිය නැතිවෙනකම් මං ගුටිනම් කෑවා.

හිමින් හිමින් මගෙත් එක්ක යාළුවෙක් වගේ උඹකතා කරා.මමත් ඒ යාළුකම පිළිගත්තේ ගොඩාක් සතුටින්.උදේ හවා එන උඹේ මැසෙජ් එකත් මට මහාමෙරක්.කාලයත් හිමින් හිමින් ගෙවිලා ගියේ මගේ හිතේ උඹ ගැන ආදරයක් ඇතිකරමින්.දැනන් හිටියේ නෑ උඹට මේ හිත ආදරය කරනවා කියලා.මගේ හිත උඹව ඉල්ලුවත් මං දැනන් හිටියේ නෑ උඹ කළුද සුදුද කියලා.දවසින් දවස උඹ මගේ ජීවිතේට ලං වුණේ ඇයි කියලා නම් දන්නේ නෑ.මං හැමදාමත් අම්මාගේ ෆෝන් එකෙන් උඹට කතා කරේ එයාට හොරෙන් ඒත් දවසක් අම්මා මට ගැහුවෙ පාර ඉඳලා ගමේ මිනිස්සු ඉස්සරහා ඒ මං උඹත් එක්ක කතාකරා කියලා.මට නැගිටින්නවත් පණ නෑ.ඒත් මං ඒ දවස් වල උඹට ඒවා කිව්වේ නෑ.ටික දවසක් යනකොට උඹ මට කතා කරේ නෑ.මමත් වද නොදුන්නේ මං විභාගේ කරගන්න ඕනි නිසා.

විභාගේ ඉවර වුණාම අම්මාට බලකරලා පොඩි ෆෝන් එකක් ඉල්ලගත්තේ උඹට කතාකරන්න ඕනි කියලා හිතුණ නිසා.මට හිතුණා වගේම මාස 2ට පස්සේ උඹ අම්මාගේ නම්බර් එකට මැසෙජ් කරලා තිබුණා.මං එදා මගේ නම්බර් එක දුන්නේ නිදහාසේ කතා කරන්න පුළුවන් නිසා.අපි අපිට ආදරේ කරන්න ගත්තේ අපිටත් හොරා. කාලයත් හරි ලස්සනට මගේ ජීවිතේත් එක්ක සෙල්ලම් කරා.ආදරේ කරනවා කියපු උඹම ආයෙත් මාත් එක්ක කතා නොකර හිටියා.ගොඩාක් දුක හිතුණා.ඒත් මගේ යාළුවා මගේ ලඟින්ම ඉඳලා හිත හැදුවා.හිමින් හිමින් හිත හදන් මං උසස් පෙළ කරන්න ලෑස්ති වුණා.උසස් පෙළට අඩිය තියලා වැඩි දවසක් යන්න කලින් උඹම ආයෙත් මට කතා කරා.ඔව් උඹට මාව බලන්න ඕනි කිව්වා.මගේ හිතේත් උඹව බලන්න තිබුණ ආසාව නිසාම මං හා කියලා එදා ඉස්කෝලේ ඇරලා ටවුමට ආවේ උඹව බලන්න......දන්නවද රත්තරන් මේ ඇස් දෙකෙක් උඹව දැකපු පළවෙනි වතාව ඒ.ඔව් අවුරුද්දක් කතා කරලත් ඔය රූපේ මේ ඇස් දෙකෙන් මං දැකපු පළවෙනි වතාව.එදා උඹේ රූපේ මේ ඇස්වල ඇඳුනේ හරියට සිත්තරෙකුගේ ඇස් වල සිතුවමක් ඇඳෙන ලෙසට.

එදායින් පස්සේ උඹ මාත් එක්ක ගොඩාක් හොඳින් කතා කරා.උඹත් මට ආදරෙයි කිව්වා.හැමෝටම හොර රහාසෙන් අපේ ආදරේ ගෙවිලා ගියා.උඹට දවසක් මම තමයි මගේ යාළුවෙක්ගේ නම්බර් එක දුන්නේ.ඒ උඹ ගැන තිබුණ විස්වාසෙට.ඒත් දැනන් හිටියේ නෑ රත්තරන් උඹ මගේම යාළුවාට ආදරේ කරනවා කියලා.හීනෙකින්වත් හිතුවේ නෑ මං ගැන වැරදි කියයි කියලා.එදා නම් ජීවිතේත් එපා වුණා.මොකද මගේ අම්මා හිටියාට එයත් කරේ මට දොස් කියපු එක විතරමයි.එදා මේ ජීවිතේ ගැන තිබුණ ආසාව මං අතහැරියත් මගේ හුස්ම ටික නම් නතර වුණේ නෑ.

ගිය උඹම ආපහු මගේ ජීවිතේට ආවා.මං නැතුව ඉන්න බෑ කිව්වා.මෝඩ මම ආයෙත් උඹව පිළිගත්තා.ආයෙත් උඹ මට ලං වුණා.හිමින් හිමින් ජීවිතේ ගෙවිලා ගියා.ඒත් උඹ මාව ටික කාලෙකට මගහැරලා ආයෙත් ආවා.ඒවර නම් මගේ හිත මං රවට්ටගෙන උඹට බොරුවක් කිව්වා.මගේ හිත හයිය කරන් ඉන්නකොට උඹ හරි ලස්සනට මාව බොළඳ කරා.......මගේ බල කිරිල්ලට උඹ මාව බලන්න එන්න පොරොන්දු වුණා.එදා දවසම අපි දෙන්නා ඇවිද්දා.මං උඹේ අත අල්ලන් ගියේ පුදුම සැහැල්ලුවකින්.ටිකෙන් ටික දවස් ගෙවුනා.උඹ මගෙන් ආයෙත් ඈත් වුණේ මට හිතාගන්නවත් කාලයක් නොතියලා.

උඹ මාව විහිලුවකටම ගත්තා නේද? හරි ලස්සනට මට බොරු කරා.හිතේ ආදරය ඇති කරලා සැරින් සැරේ මේ හිත පාරවලා උඹම ඇවිත් උඹම ගියා....හැමදෙයකින්ම මාව බ්ලොක් කරෙ හරියට මං මහාලොකු වැරැද්දක් කරා වගේ.උඹ ලඟ මං මොනතරම් අඬන්න ඇතිද? හිතලා බලන්න පොඩ්ඩක්.දන්නවද අදටත් උඹේ fb profile එකට ගිහින් බලනවා.මගේ හිත මං ම පාරවගන්නවා.මේ ගෑණු හිත් හරි බොළඳයි බන්.

මගේ හුස්ම නවතිනකම් මේ හිතේ උඹේ නමින් තිබුණ ආදරේ කොනක හරි තියෙයි.ඒ කියලා ආයෙත් මං උඹේ ජීවිතේට එන්නේ නෑ.ඉන්න තැනක සතුටින් ඉන්න ඒ ඇති.මට උඹ ගැන හිතලා හරි මහාන්සියි.ඉතින් මං මෙතනින් නවතින්නම් උඹේ ජිවිතෙන්💞💞.

මං පියවි සිහියට ආවේ අම්මාගේ සද්දෙට.ඇස් අග නලියපු කඳුළු කැට හංගන් මං ගෙට ගියේ උඹේ මතකට පාළු රැයේ අතරමං කරමින්

තිත

👇 සිතන්නට යමක්

👉 ආදරය කියන්නේ හරි සියුම් පුංචි දෙයක්.ඒ හැඟීම අපේ හැම අංශුවකටම දැනෙනවා.ආදරේ බැඳෙන්නේ ලස්සන සල්ලි කුල මල මත නෙමෙයි.හිත් දෙකක් අතර....

👉 කොල්ලෙක් හෝ කෙල්ලෙක් හෝ ආදරයට බොරු කරනවා කියන්නේ ඒක මහා වැරැද්දක්.ආදරය කරලා තමන්ගේ ජීවිත සහාකරුව හොයාගන්නේ ජීවිත කාලය පුරාවටම ඉන්න මිසක් මගදි දාලා යන්න නෙමෙයි.ලස්සන ආදරක් පරිස්සම් කරගන්න වගේම ලැබුණ ආදරය ලස්සන කරගන්නත් හැමොම දැනගන්න ඕනි.අද බුකියේ ඉන්නවා ඕනි තරම් නැලවෙන පෙම් කුරුල්ලෝ පෙම් කිරිල්ලියෝ අන්න එයාලත් පොඩ්ඩක් හිතලා බලන්න තමන්ට පණ වගේ ආදරේ කරන කෙනෙක් ඉන්නකොට තව කෙනෙක් ලඟ නැලවෙන එක හරිද කියලා.ඒ ආදරේ එපා නම් එපා කියලා එක වර අයින් වෙන්න සැරින් සැරේ ඒ ජීවිත අපායක් නොකර.

Comments System WIDGET PACK